Prokuroria Speciale e Republikës së Kosovës ka ngritur aktakuzë në Gjykatën Themelore në Prishtinë – Departamentin Special, ndaj Basri Shabanit dhe Muharrem Qerimit të dyshuar për veprën penale “Spiunazhi”

Ata po ashtu dyshohen për veprën penale “Mbajtja në pronësi, kontroll ose posedim i paautorizuar i armëve” , shkruan Arbresh.info,

“Prokurori i shtetit nga Prokuroria Speciale i ka propozuar gjykatës që pas shqyrtimit gjyqësor dhe administrimit të provave, të njëjtit t’i shpallë fajtorë dhe t’i dënoj sipas Kodit Penal të Republikës së Kosovës.”, thuhet në njoftimin e Prokurorisë Speciale.

“Po ashtu, prokurori i rastit, ka kërkuar nga gjykata që të pandehurve tu vazhdohet masa e paraburgimit deri në përfundimin e shqyrtimit gjyqësor, ngase ende ekzistojnë kushtet ligjore për vazhdimin e masës së tillë.”, thuhet tutje.

Bedri Shabani dhe Muharrem Qerimi janë arrestuarmë 5 Qershor 2024 nga Policia e Kosovës në Ferizaj.

Ata dyshohen se për shumë vite kanë bashkëpunuar me strukturat e inteligjencës serbe.

Njëri prej të arrestuarve ka qenë zyrtar doganor gjatë viteve 90-99, derisa pasluftës ka vazhduar të ushtrojë funksionin e doganierit gjatë periudhës së administrimit të UNMIK-ut në Kosovë./Arbresh.info/

Arrestohen dy persona në Ferizaj, dyshohet se bashkëpunuan me BIA-n serbe